طريقة عمل بسبوسة بجوز الهند
أهلا بيكم متابعى وصفة سهلة وسريعة ، هنتعلم مع بعض ازاى نعمل بسبوسة بجوز الهند وتكون أحلى من بتاعت المحلات وأنضف .
المكونات
- كوب وتلتين(2/3) دقيق سميد .
- نص(1/2) كوب سكر .
- تلتين (2/3) كوب سمنة .
- نص (1/2) معلقة بيكنج بودر "يمكن الإستغناء عنها "
- تلت (1/3) كوب جوز هند .
- تلات ارباع (3/4) كوب زبادى.
الطريقة
نضيف المكونات الجافة ونقلبهم كويس (السميد ،السكر ، البيكنج بودر )،
وبعدين نضيف السمنة وتكون سايحة ، لحد ما السميد كله يشرب السمنة ،
وبعدين نضيف الزبادى ونقلب كويس لحد ما يختفى ، وبكده تكون جاهزة .
نحطها فى صينية مقاس 28 مدهونة بالسمنة .
تدخل فرن سخن على درجة حرارة 180 لمدة 35ل 40 دقيقة لحد ما تحمر من كل الجهات ، لو احمرت من تحت قبل الوش ممكن تشغلى الشواية على الهادى.
الشربات
- كوب سكر .
- كوب ماء .
- عصره ليمون أو رشة فانيليا .
نحضره فى آخر 5 دقايق ويضاف وهو سخن والبسبوسة سخنة ونغطيها 10 دقايق .
نسيبها تبرد ونقطها ونقدمها ، " وبألف هنا "
إرسال تعليق