طريقة عمل شوربة العدس
مرحبا بكم متابعينا
هنعمل النهارده شوربة العدس التى لا غنى عنها فى الشتاء وخصوصا فى الجو التلج ده 😨
المكونات
- كوب عدس .
- 2 جزرة كبيرة مقطعة حلقات .
- بصلة كبيرة مقطعة أربع .
- طماطماية كبيرة مقطعة أربع .
- 5_6 فصوص توم .
- كوب _كوب ونص شعرية .
- التوابل (ملح ، فلفل أسمر ، كمون ، "شطة حسب الرغبة") .
الطريقة
نغسل العدس كويس جدًا لحد ما المياه تبقى شفافة ونظيفة ، و نحطه فى الحله مع باقى المكونات من الطماطم والبصل والتوم والجزر وحوالى لتر مياه أو أكتر المهم يبقى فيه مياه زيادة علشان ما يتحرقش .
ونسيبه على نار متوسطة لحد ما كل حاجة تستوى ،
وعلى ما يستوى نجهز الشعرية
فى حلة تانية على النار نحط الشعرية مع شوية زيت ونحمرها لحد ما يبقى لونها دهبى وحلو كده 😀 على ما العدس يستوى
العدس استوى الحمد لله 😂 يبرد وبعدين نضربه فى الخلاط كويس ونحطه على الشعرية اللى حمرناها و نزود مياه و نسيبهم لحد ما الشعرية تسوتى .
وبكده يكون خلص العدس ويتقدم وهو سخن وبألف هنا
الكمية
تكفى ل 4_5 أشخاص .
لا تنسو الإشتراك ليصلكم كل جديد .
إرسال تعليق