طريقة عمل رموش الست |حلوى تذوب فى الفم
كلنا بنشوف الحلويات دى فى طبق الحلويات الشرقية ومش عارفين دى إيه 😂 وبنحبها جداً 😍 وبتدوووب فى الفم .
دى بقا طلعت رموش الست
المكونات
- نص كوب دقيق سميد .
- كوب ونص دقيق .
- نص كوب سمن .
- 2 بيض .
- معلقة صغيرة فانليا .
- 4 معالق كبيرة جوز هند ناعم .
- نص كوب سكر .
الشربات
- كوب سكر .
- كوب ماء .
- معلقة ليمون بعد الغليان .
الطريقة
نضرب السمنة مع السكر مع بيضة وبياض البيضة التانية ونخلطهم كويس جدا مع بعض
ونضيف الفانليا
ثم نضيف المكونات الجافة ( دقيق السميد و الدقيق و جوز الهند )
ونقلب كويس لحد ما تبقى عجينة متماسكة
نسيبها ترتاح ربع ساعة * ولو الجو حار حطيها فى التلاجة*
وبعدين نبتدى فى التشكيل على حسب الرغبة على شكل العين أو دوائر صغيرة وبالحجم اللى تحبيه .
صفار البيضة اللى شيلانه هنعمل بيه ايه🤔
جه دورها دلوقتى 😀
نضربها مع نقطة فانليا وندهن بيها الوش بتدى لون دهبى حلو للوش .
توضع فى صوانى لتوضع فى الفرن لحد ما يبقى لونها دهبى و ممكن تولعى الشواية على الهادى لو أحمرت من تحت الأول.
بعد ما تخرج من الفرن نضع عليها الشربات .
تترك لتبرد تماماً و تقدم باردة
و بالهنا 💓
إرسال تعليق