طريقة عمل الكيكة بمقادير مظبوطة وناجحة 100%
أهلا بيكم متابعى وصفة سهلة وسريعة ،
هنعمل النهارده الكيكة بمقادير مظبوطة و وصفة سهلة و مضمونة لضمان كيكة عالية و هاشة و طرية جدا من غير ما تهبط منك تابعى و هقولك على كل التكات علشان تعملى أحلى كيكة
المقادير
- 2 كوب دقيق .
- كوب لبن .
- 2 بيضة .
- فانليا .
- كيس بيكنج بودر .
- كوب سكر .
- نص كوب زيت .
الطريقة
نطحن السكر و نضيفه على الدقيق و البيكنج بودر و نقلبهم كويس
فى الخلاط نضرب البيض و اللبن و الزيت و الفانليا كويس جدااا
و بعدين نضيف الخليط السائل على المكونات الجافة و نقلبهم كويس بالمضرب اليدوى
و بعدين نضيفهم فى صينية مدهونة زيت و متعفره بالدقيق أو فيها ورق زبدة .
تدخل فرن سخن على درجة حرارة 180 فى الرف الوسطانى لمدة 40 دقيقة .
التركة اللى تخلى الكيكة ما تهبطش منك أبدا انك ما تفتحيش عليها الفرن قبل مرور 30 دقيقة على الأقل و الأخسن ما تفتحيش غير بعد مرور الوقت و بعدين اختبريها بخلة لو طلعت معاكى نظيفة من غير عجين تبقى كده استوت .
و بالهنا
إرسال تعليق